Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

653 sich huop ein hagel unde ein regen,
      wan daz mich der gotes segen
      vriste von des weters nôt,
      ich wære der wîle dicke tôt:
      daz weter wart als ungemach
658 daz ez den walt nider brach.
      was iender boum dâ sô grôz
      daz er bestuont, der wart blôz
      und loubes alsô lære
      als er verbrennet wære.
663 swaz lebete in dem walde,
      ez entrünne danne balde,
      daz was dâ zehant tôt.
      ich hete von des weters nôt
      mich des lîbes begeben
668 und enahte niht ûf mîn leben,
      und wære ouch sunder zwîvel tôt:
      wan daz der hagel und diu nôt
      in kurzer wîle gelac,
      und begunde liehten der tac.
673 Dô diu vreise zergienc
[ zurück ]