einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Erec90 gevrâget von mînem herren:ez mac iu wol gewerren. wiltû daz ich dichs erlâze, sô rît dîne strâze und schabe dich der sunnen haz." 95 Êrec der wolde ouch vürbaz, wan daz getwerc imz niht vertruoc: mit der geisel ez in sluoc, als ez der maget hete getân. ouch wolde er sich gerochen hân, 100 wan daz er wîslîchen sînem zorne kunde entwîchen. der ritter hete im genomen den lîp, wan Êrec was blôz als ein wîp. er gelebete im nie leidern tac 105 dan umbe den geiselslac und enschamte sich nie sô sêre wan daz dise unêre diu künegîn mit ir vrouwen sach. als im der geiselslac geschach, 110 mit grôzer schame er wider reit. |