einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Erec93 sô rît dîne strâzeund schabe dich der sunnen haz." Êrec der wolde ouch vürbaz, wan daz getwerc imz niht vertruoc: mit der geisel ez in sluoc, 98 als ez der maget hete getân. ouch wolde er sich gerochen hân, wan daz er wîslîchen sînem zorne kunde entwîchen. der ritter hete im genomen den lîp, 103 wan Êrec was blôz als ein wîp. er gelebete im nie leidern tac dan umbe den geiselslac und enschamte sich nie sô sêre wan daz dise unêre 108 diu künegîn mit ir vrouwen sach. als im der geiselslac geschach, mit grôzer schame er wider reit. alsô klagete er sîn leit, schamvar wart er under ougen: 113 "vrouwe, ich enmac des niht verlougen, |