Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Erec

104 er gelebete im nie leidern tac
      dan umbe den geiselslac
      und enschamte sich nie sô sêre
      wan daz dise unêre
      diu künegîn mit ir vrouwen sach.
109 als im der geiselslac geschach,
      mit grôzer schame er wider reit.
      alsô klagete er sîn leit,
      schamvar wart er under ougen:
      "vrouwe, ich enmac des niht verlougen,
114 wan irz selbe habet gesehen,
      mir ensî vor iu geschehen
      eine schande alsô grôz
      daz ir nie dehein mîn genôz
      eines hâres mê gewan.
119 daz mich ein sus wênic man
      sô lasterlîchen hât geslagen
      und ich im daz muoste vertragen,
      des schame ich mich sô sêre
      daz ich iuch nimmer mêre
124 vürbaz getar schouwen
[ zurück ]