einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Erec2112 Grigoras und Glecidolân.die künege ich genant hân. nû emphienc der künec Artûs ze Karadigân in sînem hûs dise rîchen geste 2117 sô er mohte beste. nû was komen der tac daz Êrec fil de roi Lac solde nemen vrouwen Ênîten. wes möhten si langer bîten? 2122 wan si wârens beidiu vrô. zesamene gap si dô eines bischoves hant von Cantwarje ûz Engellant. dô huop sich dâ ein hôchzît 2127 daz man ir vollen lop gît. dâ erschein dehein armuot. dâ was sô manec ritter guot daz ich iu ze einer mâze wil sagen von ir vrâze: 2132 wan si ahten mêre |