einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Erec3848 wan ez ist iuwer manne sitedaz ir uns armiu wîp dâ mite vil gerne trieget - ich getar niht sprechen: lieget -, daz ir uns vil ze guote 3853 geheizet wider iuwerm muote: dâ von ich dicke hân gesehen wîben michel leit geschehen. hæte ich niht ervorht daz, ich hæte iu gantwurtet baz, 3858 wan ich, herre, niene bin iedoch sô gar âne sin, und möhte ich mîne sache ze êren und ze gemache verwandeln, daz entæte ich. 3863 wan mîn leben ist sô kumberlich, als irz selbe habet gesehen. vil rehte wil ich iu bejehen wie mich von êrste mîn man im ze wîbe gewan. 3868 ichn bin im niht genôzsam: |