Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Erec

4762 daz ich mich iu nande.
        mich hât ûf selhe schande
        hie brâht mîn zageheit
        daz doch mir ein herzeleit
        von den dingen muoz geschehen,
4767 sol ich iu mînes namen jehen,
        wan ich hân wol garnet iuwern spot.
        nû enbert sîn durch got."
        Êrec sprach: "ritter, saget an:
        jâ enist hie nieman
4772 wan ir und diu hûsvrouwe mîn:
        es enmac dehein rât sîn,
        oder ir hât daz ros verlorn."
        daz sîne mante er mit den sporn,
        als er dan wolde rîten.
4777 Keiîn bat in bîten.
        er sprach: "ich wil ez gote klagen
        daz ich mîn laster muoz sagen.
        nû sage ich iu wer ich bin.
        mîn name lûtet Keiin.
4782 ouch geruochet mîn der künec Artûs
[ zurück ]