Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Erec

4829 sô ich iuwer gedæhte gerne wol.
        durch got saget mir wer ir sît."
        er sprach: "nein ich ze dirre zît:
        ez wirt iu lîhte her nâch kunt."
        nû schieden si sich zestunt.
4834 ir ietweder reit sînen wec,
        Keiîn und Êrec.
        Keiîn hin ze hove reit,
        und twanc in des sîn wârheit
        daz ers doch niht verdagete,
4839 wan daz er rehte sagete
        sîn schemelîchez mære,
        wiez im ergangen wære,
        und gap dem schaden selhen gelimph
        daz man gar vür einen schimph
4844 sîne schande vervie
        und man sîn ungespottet lie.
        als in dô selh manheit
        von dem ritter wart geseit,
        dô nam si besunder
4849 alle michel wunder
[ zurück ]