einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Erec5744 ein klage vil erbarmeclîche,herzeriuweclîche. ir wuof gap alselhen schal daz ir der walt widerhal. nû enhalf ir niemen mêre 5749 klagen ir herzesêre niuwan der widergelt den ir der walt ûz an daz velt mit gelîchem galme bôt. der half ir klagen ir nôt, 5754 wan ir was niemen mêre bî. diu guote, nû viel sî über in unde kusten. dar nâch sluoc si sich zen brusten und kuste in aber unde schrê. 5759 ir ander wort was "wê ouwê." daz hâr si vaste ûz brach, an ir lîbe si sich rach nâch wîplîchem site, wan hie rechent si sich mite. 5764 swaz in ze leide geschiht, |