Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Erec

6881 nû enwil ich âne wer
        alsô zagelîchen
        ûzem wege niht entwîchen.
        harte ringe ist mîn kraft:
        doch gibe ich in ritterschaft
6886 ze eteslîcher mâze.
        nû erbeizet zuo der strâze
        unz ir gesehet wiez ergê."
        ich wæne der vrouwen ê
        lützel leider geschach,
6891 wan si sîn unkraft gesach.
        in den wec hielt er.
        enmitten riten si dort her.
        der mâne bôt in schœne naht
        der dô der wolken was endaht.
6896 nû wart sîn der künec gewar,
        wan er was der vorderst an der schar.
        er sach in halten in den wec.
        nû bereite sich Êrec
        ie mitten ze wer.
6901 nû sî got der in ner!
[ zurück ]