einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Erec7753 guote goltklangen:die hôrte man verre klingen. von sus getânen dingen was der satel vollebrâht und baz dan ichs hân gedâht. 7758 zewâre ouch bedunket mich reht unde billich daz er mit vollem mære harte schœner wære dan dehein ander gereite, 7763 wan er mit wârheite dem schœnisten wîbe wart gegeben diu in den jâren mohte leben, der edeln vrouwen Ênîten. nû ist zît daz si rîten, 7768 wan in sint diu ros komen. hânt si danne urloup genomen von dem ingesinde? jâ, von kinde ze kinde und von des küneges swestern. 7773 man ensolde nie willen vestern |