einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Erec833 zesamene liezen si dar gân.dô sach man si vehten gelîch zwein guoten knehten. daz viur in ûz den helmen vlouc. si vâhten als den liuten touc 838 dies diu grimme nôt gebat: wan si hâten gesat umbe den sige vil hôhez phant: ez galt ze gebenne dâ zehant minner noch mêre 843 wan beide lîp und êre. dem tâten si vil gelîch. ir vehten was manlîch. des triben si vil und genuoc, unz daz Îdêrs Êrecken sluoc 848 ûf den helm, daz er gie von dem slage ûf diu knie. als vrouwe Ênîte daz ersach, grôz wart ir ungemach. si begunde ir gesellen klagen. 853 si wânde er wære erslagen |