einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Erec8370 dô sageten im die gesteswaz ietweder weste daz doch sagebære geschach. Êrec ouch zem wirte sprach: "wirt und lieber herre, 8375 nâhen unde verre hânt mir die liute vor gezalt wunder vil manecvalt von dises hûses êre. desn vrâge ich nû niht mêre, 8380 wan ichz selbe hân ersehen und muoz von schulden mite jehen: si hânt benamen die wârheit. ouch ist mir mære geseit daz hie ein âventiure bî 8385 mit starkem gewinne sî von einem guoten knehte. nû weste ich gerne rehte wiez hier umbe wære gewant: daz tuot mir, herre wirt, erkant." 8390 der künec ein wîle des gesweic: |