Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Erec

8921 dise zeltsnüere
        wâren sîdîn garwe
        und niht von einer varwe,
        rôt grüene wîz gel
        brûn, geworht sinewel.
8926 hie under er gesitzen sach
        ein wîp, als im sîn herze jach,
        daz er bî sînen zîten
        âne vrouwen Ênîten
        nie dehein schœner hete gesehen.
8931 wan der muoste man eht jehen
        daz ir wünneclîcher lîp
        geprîset wære über elliu wîp
        diu dô wâren oder noch sint.
        Ênîte was des Wunsches kint,
8936 der an ir nihtes vergaz.
        diu vrouwe diu nû hie saz
        was vil schône gekleit.
        ane hâte si geleit
        einen mantel hermîn langen:
8941 dâ hete si sich in gevangen.
[ zurück ]