Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Erec

9207 daz daz viur möhte sîn
        gevangen mit einem schoube.
        got lône im derz geloube,
        wan ich niht drumbe geswern mac.
        dirre grimmeclîche slac
9212 Êrecke in sîn houbet erschal,
        daz er vil kûme meit den val.
        sîniu ôren und diu ougen
        begunden ir ambtes lougen,
        daz er gehôrte noch gesach.
9217 wan daz daz swert enzwei brach,
        ez wære gewesen sîn ende.
        vil schiere der ellende
        sîne kraft herwider gewan,
        daz er gesach und sich versan
9222 und gehôrte alsam ouch ê.
        schade und schame tete im wê,
        daz sîn ie dehein man
        selhe oberhant gewan.
        daz er von sîner meisterschaft
9227 in sô grôze unkraft
[ zurück ]