einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Gregorius1406 ich sol und muoz mich nietennôt und angest (daz ist reht) als ein ellender kneht. mir hât mîn amme des verjehen (in einem zorne ist daz geschehen)1411 daz ich ein vunden bin. beidiu lîp unde sin benimet mir diu unêre, vernim ichs iemer mêre. ich enhœre si weizgot niemer mê,1416 wande ich niht langer hie bestê. jâ vinde ich eteswâ daz lant daz dâ niemen ist erkant wie ich her komen bin. ich hân die kunst und ouch den sin,1421 ich genise wol, und wil ez got. sô sêre vürhte ich den spot: ich wolde ê sîn dâ nieman ist, ê daz ich über dise vrist belibe hie ze lande.1426 jâ vertrîbet mich diu schande. |