einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Gregorius2348 diu mir an mîn herze gie.''Sich, jâ was ez ie dîn site unde hâst mir dâ mite gemachet manige swære: dun gesagetest nie guot mære.2353 noch baz dû gedagetest dan dû die lüge sagetest diu mir ze schaden gezüge.' 'vrouwe, diz ist niht ein lüge. jâ enist anders niht mîn klage2358 wan daz ich iu sô wâr sage.' 'sich, sô meinestûz doch sô?' 'entriuwen jâ, er ist unvrô. ich wânde ir westetz michel baz. jâ vrouwe, waz mac wesen daz2363 daz er vor iu sô gar verstilt, wan er iuch anders niht enhilt? zewâre, vrouwe, swaz ez sî, im wonet ein grôziu swære bî. ich hâns ouch mê war genomen:2368 nû bin ichs an ein ende komen |