Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Gregorius

2354 dan dû die lüge sagetest
        diu mir ze schaden gezüge.'
        'vrouwe, diz ist niht ein lüge.
        jâ enist anders niht mîn klage
        wan daz ich iu sô wâr sage.'
2359 'sich, sô meinestûz doch sô?'
        'entriuwen jâ, er ist unvrô.
        ich wânde ir westetz michel baz.
        jâ vrouwe, waz mac wesen daz
        daz er vor iu sô gar verstilt,
2364 wan er iuch anders niht enhilt?
        zewâre, vrouwe, swaz ez sî,
        im wonet ein grôziu swære bî.
        ich hâns ouch mê war genomen:
        nû bin ichs an ein ende komen
2369 daz er sô grôzen kumber treit
        den er noch nieman hât geseit.
        sît er disses landes phlac,
        so enlie er nie deheinen tac
        er engienge ie wider morgen
2374 eine und verborgen
[ zurück ]