Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Gregorius

3900 ob ir in müeset sehen?'
        si sprach: 'ir muget wol nemen war,
        ich hân mich bewegen gar
        lîbes unde guotes,
        vreuden unde muotes
3905 gelîch einem armen wîbe:
        mir enmöhte ze disem lîbe
        dehein vreude mê geschehen
        niuwan diu, müese ich in sehen.'
         Er sprach: 'sô gehabet iuch wol,
3910 wande ich iu vreude künden sol.
        ez ist unlanc daz ich in sach
        und daz er mir bî gote jach
        daz er deheinen vriunt hæte
        ze triuwen und ze stæte
3915 liebern danne iuwern lîp.'
        'genâde, herre,' sprach daz wîp,
        'lebet er noch?' 'jâ er.' 'nû wie?'
        'er gehabet sich wol und ist hie.'
        'mac ich in gesehen, herre?'
3920 'jâ, wol: er ist unverre.'
[ zurück ]