einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Gregorius430 nû begunde si dâ vonsiuften von herzen. den angestlîchen smerzen erzeicte si mit den ougen. si sprach: 'des ist unlougen,435 mir engê trûrennes nôt. bruoder, ich bin zwir tôt, an der sêle und an dem lîbe. ouwê mir armen wîbe, war zuo wart ich geborn?440 wande ich hân durch dich verlorn got und ouch die liute. daz mein daz wir unz hiute der werlde haben vor verstoln daz enwil niht mêre sîn verholn.445 ich bewar vil wol daz ich ez sage, aber daz kint daz ich hie trage daz tuot ez wol den liuten kunt.' nû half der bruoder dâ zestunt trûren sîner swester:450 sîn jâmer wart noch vester. |