einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Heinrich1160 der erkennet dienest harte wol und lât sîn ungelônet niht. ich weiz wol daz er selbe giht, swer grôzen dienest leiste, des lôn sî ouch der meiste. 1165 dâ von sol ich disen tôt hân vür eine süeze nôt nâch sus gewissem lône. lieze ich die himelkrône, sô hete ich alwæren sin, 1170 wan ich doch lîhtes künnes bin.< Nu vernam er daz si wære genuoc unwandelbære und vuorte si wider dan hin zuo dem siechen man 1175 und sprach zuo ir herren: >uns enmac niht gewerren, iuwer maget ensî vollen guot. nû habet vrœlîchen muot, ich mache iuch schiere gesunt.< 1180 hin vuorte er si anderstunt |