einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Iwein1146 und envant venster noch türdâ er ûz möhte. nu gedâhter waz im töhte. dô er mit selhen sorgen ranc, dô wart bî im niht über lanc1151 ein türlîn ûf getân: dâ sach er zuo im ûz gân eine rîterlîche maget, enhete sî sich niht verclaget. diu sprach zem êrsten niht mê1156 wan 'ouwê, rîter, ouwê! daz ir her komen sît, daz ist iuwer jungestiu zît. ir habet mînen herrn erslagen. man mac sô jæmerlîchez clagen1161 an mîner lieben vrouwen und an dem gesinde schouwen, und sô grimmeclîchen zorn, daz ir den lîp hânt verlorn. daz sî iuch nû niht hânt erslagen,1166 daz vristet niuwan daz clagen |