Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

2649 und aller sîner êren:
        sine möhtens im gemêren,
        in was anders niht gedâht.
        sus het erz umb sî alle brâht.
         Nû reit der künec Artûs
2654 durch sîne bete mit im ze hûs.
        dane irte unstate noch der muot
        dane wurde handelunge guot,
        daz er âne sîn lant
        nie bezzer kurzwîle vant:
2659 wan dem was eht niht gelîch,
        unde ist ouch unmügelîch
        daz im ûf der erde
        iemer iht glîches werde.
         Diu künegîn was des gastes vrô:
2664 ze hern Îwein sprach sî dô
        'geselle unde herre,
        ich gnâde dir vil verre
        unsers werden gastes.
        zewâre dû hastes
2669 iemer lôn wider mich.'
[ zurück ]