einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Iwein2649 und aller sîner êren:sine möhtens im gemêren, in was anders niht gedâht. sus het erz umb sî alle brâht. Nû reit der künec Artûs2654 durch sîne bete mit im ze hûs. dane irte unstate noch der muot dane wurde handelunge guot, daz er âne sîn lant nie bezzer kurzwîle vant:2659 wan dem was eht niht gelîch, unde ist ouch unmügelîch daz im ûf der erde iemer iht glîches werde. Diu künegîn was des gastes vrô:2664 ze hern Îwein sprach sî dô 'geselle unde herre, ich gnâde dir vil verre unsers werden gastes. zewâre dû hastes2669 iemer lôn wider mich.' |