Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

3016 ich bin ez Minne und gibe die kraft
        daz ofte man unde wîp
        habent herzelôsen lîp
        und hânt ir kraft doch deste baz.'
        do engetorst ich vrâgen vürbaz:
3021 wan swâ wîp unde man
        âne herze leben kan,
        daz wunder daz gesach ich nie:
        doch ergienc ez nâch ir rede hie.
        ichn weiz ir zweier wehsel niht:
3026 wan als diu âventiure giht,
        sô was her Îwein âne strît
        ein degen vordes und baz sît.
         Her Gâwein sîn geselle
        der wart sîn ungevelle.
3031 durch nôt bescheid ich iu wâ von:
        wan diu werlt ist des ungewon,
        swer vrumen gesellen kiese,
        daz er dar an verliese.
        zewâre geschach ez ê nie,
3036 ez geschach doch im, und sage iu wie.
[ zurück ]