einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Iwein4126 daz ir sus missegangen ist.und swaz ouch mir dâ von geschiht, sône lougen ich des niht ezn vuocte mîn rât und mîn bete daz sîz ie umb in getete;4131 wand ich mich wol umb in versach, geschæhez als ez doch geschach, sî hetes vrume und êre. nû velschent sî mich sêre, ich habe sî verrâten.4136 wand sî mir dô tâten michel unreht unde gewalt, dô wart mîn leit vil manecvalt, unde ich armiu verlorne vergâhte mich mit zorne.4141 wan daz ist gar der sælden slac, swer sînem zorne niene mac getwingen, ern überspreche sich. leider alsô tet ich mich. ich hân mich selben verlorn.4146 ich sprach durch mînen zorn, |