Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

5076 vreuten sî sich alle,
        den wol dar an was geschehen.
        sî heten heiles gesehen
        den rîter der des lewen pflac:
        wand sî lebeten vür den tac
5081 âne angest unde ân nôt,
        dô der rise gelac tôt:
        des gnâdeten si im genuoc,
        dem hern Îweine der in sluoc.
        ouch gerter urloubes sâ:
5086 wander enhete sich dâ
        niht ze sûmen mêre,
        ob er sîne êre
        an ir bestæten wolde
        der er dâ komen solde
5091 ze helfe umbe mitten tac,
        diu dâ durch in gevangen lac.
        der wirt begund in starke biten
        (daz wær alsô guot vermiten)
        daz er dâ ruowen wolde:
5096 ern mohte noch ensolde.
[ zurück ]