einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Iwein5815 und nâch ezzenne wart,den wirt wundert umb ir vart, und vrâgte sî mære waz ir gewerp wære. Diu juncvrouwe dô sprach5820 'ich suoche den ich nie gesach und des ich niht erkenne. ichn weiz wie ichn iu nenne: wandern wart mir nie genant. ern ist mir anders niht erkant5825 wan daz er einen lewen hât. nune hab ich sîn deheinen rât: man saget von im die manheit, und sol ich mîn arbeit iemer überwinden,5830 sô muoz ich in vinden.' Der wirt sprach 'ir sît unbetrogen: ern hât iu niht von im gelogen der iu tugent von im seit, wande mich sîn manheit5835 von grôzem kumber lôste. |