Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Klage

116 sô gerte ich aller gnâden mê;
      sît ich nû hân engolten
      des die geniezen solten
      den nâch ir werken wol geschiht,
      so enwil ich mînes heiles niht.
121 Friunt, wan ich die niht schelten sol
      der al diu werlt sprichet wol,
      sô sagete ich ze mære
      daz sî diu wirsest wære
      der ich ie künde gewan,
126 wan si mir ir guotem friunde erban
      daz ich vil gar âne ir schaden
      mîner swæren bürde würde entladen,
      und mich in ir dienest næme
      als guotem wîbe wol gezæme,
131 und mit urloube gedæhte an sî.
      nû ist der gedanc alsô frî
      daz sî mir den niht weren mac,
      ich ensî ir heimlich allen tac
      alsô mit gedanken ein man
136 einem wîbe beste kan.
[ zurück ]