einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Klage303 der mir danne sô nâhen ist bîdaz er mich frâget waz mir sî, dem ensag ich ouch niht mê wan 'geselle, mir ist im herzen wê.' Daz tuon ich danne durch den list308 daz ieman wizze waz mir ist; wan ich getar nieman sagen 'daz herze hiez michz eine tragen.' daz ist mîn aller meister slac. ich enweiz wes ich dir danken mac;313 wan ich den man wol funde der mir gerâten kunde, getorste ich râtes frâgen. daz ich doch mînen mâgen mîniu leit niht klagen sol,318 herze, dar an tuost dû niht wol, sît ouch dû mir niht râtes gîst. sô grîfe ich dicke dâ dû lîst und kæme dir es gerne ze klage; so ist alsô guot daz ich ez verdage,323 wan sô verest dû dar inne |