Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Klage

560 des du mich doch geniezen soldest lân;
      sît dû mich ze dînem râte erwelet hâst
      unde mich des niht erlâst,
      sô weist dû wol daz ich dich nie
      bœsiu dinc geminnen lie.
565 ze guoten dingen ich dir riet,
      von allem valsche ich dich schiet.
      dar umbe dulde ich dînen haz.
      doch wil ich gerne lîden daz;
      swaz mir dâ von geschehen sol,
570 ich enrâte dir niemer niht wan wol.
      Mîner schulde ist ouch niht mêre
      wan daz ich dîn êre
      dir râte, swaz ich guotes weiz,
      und mich ie dar wider fleiz
575 dar an dû hætest missetân,
      daz dû daz muosest durch mich lân,
      mîn lêre muost dû lîden,
      wol tuon und bôsheit mîden.
      rich dich swie dich dunket guot;
580 ich enrâte dir niht wan rehten muot.
[ zurück ]