einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Klage570 ich enrâte dir niemer niht wan wol.Mîner schulde ist ouch niht mêre wan daz ich dîn êre dir râte, swaz ich guotes weiz, und mich ie dar wider fleiz575 dar an dû hætest missetân, daz dû daz muosest durch mich lân, mîn lêre muost dû lîden, wol tuon und bôsheit mîden. rich dich swie dich dunket guot;580 ich enrâte dir niht wan rehten muot. Du verwîzest mir daz, bœser lîp, daz ich dir riet an daz wîp. daz hân ich weizgot getân; wan ich weiz daz wol âne wân,585 als mir mîn selbes sin verjach, do ich sî durch dîniu ougen sach, daz niht bezzers möhte sîn. ich riet dirz durch den willen dîn; war umbe wîzest dû mir daz?590 wie moht ich dir êre geben baz? |