Hartmann von Aue :: Knowledgebase Portal -Dictionary

einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

[ zurück ]

Klage

717 dâ von dû liebe gewinnest.
      arbeit ist mir daz minnest.
      Doch swie vil mînes schaden ist,
      des dû alles sicher bist
      - wan daz dû mich sîn niht erlâst
722 mit üppekeit die dû dâ hâst -,
      mich enhœret nie dehein man klagen,
      und wolt in geduldiclîchen tragen
      durch unser beider êre;
      wan mîn ahte ist niht mêre
727 wan wie ich dir müge gefüegen
      des dich sol genüegen
      freudebærer wünne.
      der allez mankünne
      geschuof und in sîner gewalt hât,
732 der gebe uns heil unde rât
      daz ich noch daz erringe
      daz uns an ir gelinge.
      Des gewerbes, unz ich daz leben hân,
      lâz ich dich niemer abe gân.
737 von diu vernim, lîp, waz dû tuo.

[ zurück ]