Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Klage

1144 den muoz sîn sin beswîchen.
        mir enhaben mîn wîsære gelogen,
        er ist des sinnes betrogen,
        und sîn leben ist der werlte spot.
        lîp, dâ von lobe ich got
1149 des ich von dir vernomen hân.
        des hâst dû mich in bœsen wân
        vil gar eine wîle brâht.
        nû hâst dû dich baz bedâht
        daz dir sô misselunge.
1154 vil guote wandelunge
        hân ich nû von dir vernomen.
        daz sol dir noch ze heile komen.
        Verwirf mînen rât niht
        und wizze daz dir wol geschiht.
1159 und ist daz dû ez wâr lâst
        als dû mir geheizen hâst,
        sô sî der schade verkorn
        âne aller slahte zorn
        den dû uns als manigen tac
1164 schüefe, dô unser phlac
[ zurück ]