einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Erec9326 unde saget mir wer ir sît."sus antwurte der obene lît: "daz habet ir selten ê gesehen, ouch ensolz mir niht geschehen: wan dâ ergienge ein wunder an, 9331 swenne sich der ober man müeste dem undern ergeben. welt ir eine wîle leben, sô volget guotem râte und saget mir vil drâte 9336 von wanne ir sît oder wer, und dar zuo swes ich vürbaz ger." sus antwurte im der rôte man: "iuch triuget diu rede, wan dâst niht an. swie ir mir habet an gesiget 9341 und mit gewalte obe liget, ich wil ê werden erslagen, ir enmüezet mir sagen wer ir sît oder welher hande. jâ mac mir disiu schande 9346 von selhem manne sîn geschehen |