einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Erec6043 daz mir got hât benomenden aller liebisten man den ie vrouwe gewan und mîn der Tôt niene wil, des selben neme er im ein zil. 6048 diu stæte under uns beiden sol sich sô niht scheiden: den list ich vil wol vinde daz er mich ze ingesinde sunder danc nemen muoz. 6053 war umbe solde ich sînen vuoz sô vlîzeclîche suochen sît er mîn niht wil ruochen? dar umbe ich in sô sêre bat, des mac ich mich an dirre stat 6058 selbe vil wol gewern. ich enwils ouch langer niht enbern, ez enwerde vollebrâht. entriuwen, ich hân nû wol gedâht." diu hant ir gegen der erde sleif, 6063 ir mannes swert si begreif |