einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Erec4310 unz an den tac nie misselanc.er wære starc oder kranc der im mit übel zuo kam, der wênige ie den sige nam. dehein ritterschaft er versaz, 4315 ouch entetez niemen baz, swaz er ir bî sînen zîten ie mohte errîten, daz er den strît niuwan vant. dô wart im aber ir triuwe erkant. 4320 als si in gewarnet hâte, nû sâhen si alsô drâte in dort zuo rîten. nû gruozte er vrouwen Ênîten. als er Êrecke sô nâhen kam 4325 daz er sîniu wort vernam, er sprach: "willekomen, herre, ir nâhen oder verre in disiu lant geriten sît, mich bedunket âne strît, 4330 ir muget wol ein degen sîn. |