einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Erec7998 "nû wil ich iuch wizzen lânwie diu âventiure ist getân, und rehte wiez dar umbe stât, sît irs niht wellet haben rât. sist Joie de la curt genant." 8003 daz selbe wort ist unerkant uns tiutschen liuten: durch daz wil ichz diuten: des hoves vreude sprichet daz. ouch sagete er im vürbaz. 8008 er sprach: "muget ir warten? seht ir den boumgarten der under dem hûse lît? dâ hât sich nû vil manege zît ein ritter gehalten inne. 8013 si stât ze selhem gewinne als ich iu rehte wil sagen. swer si hie sol bejagen, daz hât er im ze rehte daz er si an im ervehte. 8018 der wirt ist sîn œheim. |