einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Iwein3656 sîne wolde wizzen dazwâ ir salbe wære. mit einem lügemære beredte sich diu wîse maget. sî sprach 'vrouwe, iu sî geclaget3661 wie mir zer bühsen ist geschehen. ez hât der rîter wol gesehen wie nâch ich ertrunken was. wunder ist daz ich genas. ich kam in michel arbeit,3666 dô ich über daz wazzer reit die hôhen brücke hie bî. daz daz ros unsælec sî! daz strûchte vaste unz an diu knie, alsô daz ich den zoum verlie3671 unde der bühsen vergaz und selbe kûme gesaz. do enpfiels mir in den wâc zetal, und wizzet daz mich nie dehein val sô starke gemuote.3676 waz hilfet älliu huote? |