Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Klage

456 die wîle sî dâ ûzen wer
      und daz sî im vor sî.
      doch ist der kerne niht gar frî:
      witert ez der schalen als ez sol,
      dâ von gedîht der kerne vil wol;
461 swelch weter der schalen ouch wê tuot,
      daz ist dem kernen dehein guot,
      wan er muoz sîn ouch engelten.
      daz triuget ouch vil selten
      Der einen kezzel an die gluot
466 vollen wazzers tuot,
      ob erz dar an gefrœret,
      daz ist ungehœret,
      wan ez diu hitze niht erlât
      diu ez von dem kezzel ane gât,
471 ez enwalle dar inne.
      von eteswiu, wæne, ich sô brinne,
      swie daz iemer müge komen.
      daz het ich lieber vernomen,
      sît daz dû mitten in mir lîst,
476 ob dû des schaden sicher sîst
[ zurück ]