Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Erec

7317 als ein penselstrich er gie
        zwischen den ôren dane,
        vil ebene über die mane,
        engegen den goffen über den grât,
        unz dâ daz pherit ende hât,
7322 zwischen den brüsten nider alsam,
        als ez doch wol gezam.
        diz wâren seltsæniu dinc.
        umbe ietweder ouge gienc ein rinc
        der selben varwe, daz ist wâr.
7327 weich und reit was im daz hâr,
        nâch dem teile gevangen
        dâz hin was gehangen,
        ze rehte dic und niht tief:
        niht vol ez an diu knie swief.
7332 der zoph was vür daz houbet lanc,
        halp swarz, halp blanc,
        als in diu grüene varwe schiet.
        der zagel alsam geriet.
        sît ich nû gesaget hân
7337 wie daz pherit wære getân,
[ zurück ]