einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Gregorius2312 wâ von diu klage geschæheund sleich im eines tages mite, dô er aber nâch sînem site ze kemenâten klagen gie. dô was diu juncvrouwe hie2317 und barc sich unz si rehte gesach sînen klägelîchen ungemach und daz er an der tavel las, alse sîn gewonheit was. dô er des harte vil getete2322 mit weinen unde mit gebete, dô truckente er diu ougen und wânde sîniu tougen vor al der werlde wol bewarn. nû hetez diu maget alsus ervarn.2327 war er die tavel leite, daz ersach si vil gereite. Dô sîn klage ein ende nam, diu maget vil harte schiere kam zuo ir vrouwen unde sprach:2332 'vrouwe, waz ist der ungemach |