einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Iwein2957 der schiet mit urloube dan.nû reit diu vrouwe mit ir man wol drî mîle ode mê. daz scheiden tete ir herzen wê, als wol an ir gebærden schein.2962 daz senen bedahte her Îwein als er dô beste kunde: mit lachendem munde truobeten im diu ougen. der rede ist unlougen,2967 er hete geweinet benamen, wan daz er sich muose schamen. ze lande vuor der künec Artûs, diu vrouwe widere ze hûs. Dô vrâgte mich vrou Minne2972 des ich von mînem sinne niht geantwurten kan. sî sprach 'sage an, Hartman, gihstû daz der künec Artûs hern Îweinen vuort ze hûs2977 und liez sîn wîp wider varn?' |