Hartmann von Aue :: Knowledgebase Portal -Dictionary

einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

[ zurück ]

Klage

366 versenket in des meres giel.
      Dem gelîchet sich daz leben mîn.
      swenn ich mit freuden wæne sîn,
      sô rüerent mich die sorgen
      die ich dâ trage verborgen,
371 und siufte ûf von grunde
      mit lachendem munde,
      und truobent mir diu ougen.
      der rede ist unlougen,
      wan daz ez unmanlich wære,
376 weinen ich niht verbære.
      Mir wirt aber sus sô wê
      daz ich bî den liuten mê
      belîben niht getar.
      sô gân ich alters eine dar
381 dâ nieman ist wan mîn
      - ich müese anders ir aller spot sîn -,
      unz mich diu swære verlât
      diu mich dâ vor begriffen hât.
      Herze, wærest dû ein man
386 - des dir got niene gan -

[ zurück ]