einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Erec4733 ungelîch einem guoten knehte.daz ros vuorte Êrec dan. Keiîn, der schalchafte man, ime vaste nâch lief: lûte er in ane rief: 4738 "nein, ritter vil guot! durch dînen tugenthaften muot daz mir daz ros hie bestê! oder ich muoz es immer mê geswachet und gehœnet sîn. 4743 jâ enist ez weizgot niht mîn." dô kêrte der guote mit lachendem muote und vernam sîne klage. er sprach: "ritter, nû sage, 4748 wie bistû genant? unde tuo mir erkant dises rosses herren. ez enmac dir niht gewerren: ich wil wizzen dînen namen. 4753 dû endarft dich niht sô sêre schamen. |