einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Gregorius1491 die ich von itewîze hân.sô ist diu ander sô getân diu mich ouch verjaget hin: ich weiz nû daz ich niene bin disses vischæres kint.1496 nû waz ob mîne vordern sint von selhem geslähte daz ich wol werden mähte ritter, ob ich hæte den willen und daz geræte?1501 weizgot nû was ie mîn muot, hæte ich geburt und daz guot, ich würde gerne ritter. daz süeze honec ist bitter einem ieglîchen man1506 der ez niezen niene kan. ir habet daz süeziste leben daz got der werlde hât gegeben: swer imz ze rehte hât erkorn, der ist sælic geborn.1511 ich belibe hie lîhte stæte, |