einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Klage1575 âne nôt verliesent:den sî ze gesellen kiesent unde in ze liebe erwelent, daz sî dâ mite entwelent unz sichs diu werlt verstât,1580 und ob ez niemer ergât, daz man ez doch für wâr hât. daz machet wîselôser rât. der frume wirt niht mêre wan der schade an êre.1585 Welch wünne ein wîp dâ mite hât daz sî ir friunt sô lange lât an zwîvellîchen sorgen, die sint mir gar verborgen. ez ist ein unbescheiden site,1590 ir friunt verderbent sî dâ mite und sûment guote minne; daz wirt in dar an ze gewinne.“ Herze, ich hœre dich klagen daz dû wol möhtest verdagen;1595 dû wirst von fremden leiden alt. |