Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Erec

463 der alte alsus sprach:
      "in erkennet allez diz lant:
      erst Îdêrs fil Niut genant"
      und sagete sîn geverte gar
      unde daz er komen dar
468 mit sîner âmîen wære
      ze nemen den sparwære.
      alsô schiere er diz vernam,
      mit vrâge er vürbaz kam,
      unz im der wirt tete erkant
473 wiez umbe in selben was gewant.
      als er ims begarwe jach,
      Êrec stuont ûf unde sprach:
      "genâde, wirt und herre,
      daz ez mir iht gewerre.
478 sît ez sô umbe iuch stât,
      sô suoche ich helfe unde rât.
      ûf genâde sô sî iu bejehen,
      mir ist ein leit von im geschehen
      daz ich immer klagen sol,
483 ez ensî daz ich michs erhol.
[ zurück ]