Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Erec

9876 dar was er michel willekomen,
        und wart des guot war genomen
        daz si sô gelîche wâren gekleit
        und ze pherden bereit,
        und begunden des von schulden jehen
9881 daz si nie hæten gesehen
        deheine seltsænern schar,
        sô manege vrouwen in einer var.
        und die dar umbe niht westen,
        die vrâgeten von den gesten
9886 wiez umbe si wære gewant,
        unz inz Êrec tete erkant.
        hie emphie der valsches vrîe
        von al der massenîe
        sîner arbeit ze lône
9891 alsô der êren krône
        daz er zem prîse wart geseit
        daz von grôzer manheit
        nieman zer werlde kæme
        tiurre oder baz genæme,
9896 wan nie manne von den landen
[ zurück ]