einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Gregorius1627 daz mich vil sêre umbe dichwundern muoz, crêde mich, und weiz niht war zuo daz sol: ich vernæme kriechisch als wol. unser meister, der dîn phlac1632 mit lêre unz an disen tac, von dem hâstû ir niht vernomen. von swannen si dir zuo sîn komen, dû bist, daz merke ich wol dar an, des muotes niht ein klôsterman.1637 nû wil ich dichs niht wenden mê. got gebe daz ez dir wol ergê und gebe dir durch sîne kraft heil ze dîner ritterschaft.' Nû schuof er daz man im sneit1642 von dem selben phelle kleit den er dâ bî im vant: ez enkam nie bezzer in daz lant. er sach wol daz im was gâch unde machete in dar nâch1647 ritter als im wol tohte |