einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Gregorius450 sîn jâmer wart noch vester.An disem ungewinne erzeicte ouch vrou Minne ir swære gewonheit: si machet ie nâch liebe leit.455 alsam ist in erwallen daz honec mit der gallen. er begunde sêre weinen, daz houbet underleinen sô riuweclichen mit der hant460 als dem ze sorgen ist gewant. ez stuont umbe al sîn êre: iedoch sô klagete er mêre sîner swester arbeit danne sîn selbes leit.465 Diu swester sach ir bruoder an, si sprach: 'gehabe dich als ein man, lâ dîn wîplich weinen stân (ez enmac uns leider niht vervân) und vint uns etelîchen rât,470 ob wir durch unser missetât |